O curso pasado o viveiro de aromáticas, instalado nunha aula baleira, non resultou polo que era necesario un invernadoiro que garantise certas condicións de calor, luz, humidade...Ademais este invernadoiro posibilita realizar dentro del cultivos no inverno no que o tempo é maioritariamente adverso e pouco apropiado para que o alumnado ande ó aire libre.
Para o alumnado é unha novidade pero nos 50 anos do colexio non é nada novo: no Coirón-Dena xa tiveron un invernadoiro máis grande e incluso recibiron charlas dun enxeñeiro agrónomo.
Nos días 24, 25 e 26 de outubro as familias colaboraron na construción do invernadoiro.
- Traballo na tarde do 24 de outubro: delimitar a área, abrir zanxas, apartar pedras e armar ferraxes.
- Traballo na tarde do 25 de outubro: fixar as ferraxes nas zanxas con cemento.
- Traballo na tarde do 26 de outubro: poñer, tensar e fixar o plástico nas zanxas con terra.
AGRADECEMENTOS:
Agradecemos a colaboración das familias que traballaron moito e incluso trouxeron ferramentas das súas casas.
Agradecemos ás familias que, ao recoller ós fillos/as das actividades extraescolares, se acercaron ó horto escolar para dar ánimos.
Agradecemos a xenerosidade da señora Lourdes de Prefabricados Pérez que nos deu o formigón.
Estamos seguros de que moitas familias quixeron colaborar pero non puideron nesas datas.
O invernadoiro inda está a espera de poñerlle as portas pero xa o alumnado pode cultivar nel.
