O HORTO NO VERÁN

Ó longo de xullo e agosto o horto estivo fermosísimo: margaridas, plumeiros vermellos, tomates, pementos, amorodos…

PLANTIÑAS ORNAMENTAIS COA SEÑORA MONCHA

O 28 de maio o alumnado de 4º A aprenderon a plantar no horto plantiñas ornamentais variadas coa señora Moncha que xenerosamente  ó colexio donou. Fermosas margaridas “REINA”, plumeiros vermellos e margaridas ventureiras encheron de cores o horto escolar. Finalizado o verán recolleuse a semente e  en febreiro-marzo farase unha sementeira  destas plantiñas ornamentais para o patio novo.Mil grazas señora Moncha!

PLANTACIÓN NOS PASALES

Os rapaces e rapazas de 2º de Primaria plantaron tamén no mes de maio carballos nos Pasales e tamén estas primeiras choivas virán ben para as árbores plantadas.

Plantación nos muíños de Lores

PLANTAMOS CARBALLOS NOS MUÍÑOS DE LORES

En maio, rapaces e rapazas de 6º de Primaria, plantaron carballos nos muíños de Lores. De seguro que esta choiva de outono  lles virá ben para que medren as árbores.

Limpeza de Praias

En maio, o alumnado de 1º e 2º de Primaria, participou na macrolimpeza dos areais do Carreirón.

O coidado da natureza e o medio ambiente é algo polo que temos que loitar e sensibilizar ao noso alumnado.

OBRADOIRO DE MARMELADA

O alumnado de 3ºB realizou o 13 de marzo un Obradoiro de marmelada de laranxa con Luz de Horta Agrelo.

OBRADOIRO DE XABÓN CON ACEITE RECICLADO

O 13 de marzo o alumnado de 6ºA e 6ºB fixo con Luz de Horta Agrelo un obradoiro de xabón con aceite reciclado.

OBRADOIRO DE SAQUIÑOS AROMÁTICOS

O 13 de marzo os pequerrechos e pequerrechas de 4º de Educación Infantil fixeron un obradoiro de saquiños aromáticos con Luz de Horta Agrelo. Experimentaron con olores de prantas e follas: pétalos de rosa, folla seca de uva tinta, flor de ciano, herba Luísa, Romeu e menta.