O venres 24 de marzo os rapaces e rapazas axudaron a plantar unhas plantiñas ornamentais.
viernes, 31 de marzo de 2023
TEMPO DE TRANSPLANTAR
As plantiñas medraron no invernadoiro e acadaron un tamaño xeitoso para plantar nos bancais. Cada aula ocupouse de transplantar as súas plantiñas (tamén chamadas plantóns).
O 21 de marzo 1ºA transplantou na cabeceira do primeiro bancal xirasois e xudías. Na cabeceira do segundo bancal tamén transplantaron xirasois, e altramuces.
O 27 de marzo realizaron a actividade de transplante as aulas de 2º, 1ºB e 3 anos.
A aula de 2º transplantou no cuarto bancal: altramuces, xudías, leituga e ceboliño.
Aquí temos algunhas imaxes do alumnado de 1ºB, que completaron o primeiro bancal con: remolacha, allo porro e leituga. Tamén completaron o segundo bancal con: garabanzos, allo porro e leituga.
Os pequeniños e pequeniñas de 3 anos plantaron no quinto bancal: altramuces, pataca agria, leituga e ceboliño.
O 30 de marzo realizaron a actividade de transplante as aulas de 4ºA, 3ºA e 3ºB.
Os rapaces e rapazas de 4ºA transplantaron no sexto bancal: garabanzos, pataca agria, leituga morada e allo porro.
O alumnado de 3ºA transplantaron no séptimo bancal: xirasois, altramuces, xudías e garabanzos.
Aquí temos algunhas imaxes do alumnado de 3ºB, que realizaron a actividade no horto do invernadeiro transplantando: garabanzos, leituga morada, remolacha, rúcula e allo porro.
Aproveitaron para comprobar o calor interior da composta, que acadou os 60 graos centígrados.
domingo, 26 de marzo de 2023
FACEMOS A COMPOSTA
As plantiñas comen e facémoslle a súa comida preferida: composta. Son moitas as plantas ás que darlle de comer e determinouse cociñar en dúas potas ( horto do invernadeiro) dun metro cúbico cada unha. Delimitadas as potas con paus nas esquinas, abrandouse o terreo e, coma se fose unha lasaña, foise intercalando palla, terra e herba dos bancais. Entre capa e capa aplicámoslle unhas boas regadeiras de auga. o alumnado de 3 anos tivo o privilexio de facer o pé de pota.
O alumnado de 1ºA continuou traballando nas potas pero tiveron que arrincar antes a herba no horto novo:
O alumnado de 1ºB, 2º e 3ºA tamén traballou para facer composta. Aquí vemos ós rapaces e rapazas de 3ºA:
Proseguiron facendo composta as aulas de 3ºB, 6º , 4ºA e 4ºB. Ollamos ó alumnado de 6º:
E a composta quedou feita. Acadará bastantes graos e a humidade fará que a materia seca e verde se descompoña.
Suscribirse a:
Entradas (Atom)