TEMPO DE AMORODOS

No horto que ten o invernadeiro conserváronse as plantiñas de amorodos e mesmo lle metemos preto de cada pé un dente de allo para favorecer o crecemento e produción.

COIDANDO OS BANCAIS DO HORTO NOVO

As aulas que cultivaron coidan das plantiñas, arrincan herbiñas e mesmo observan bichiños que tamén se fan ver ós que con pócimas naturais (de estruga, de fento, de pataca... )escorrentar.

Os bancais están preciosos.

MÁIS CULTIVOS NO HORTO NOVO!

O 23 de marzo os rapaces e rapazas de 1ºB ,3º de Primaria e 5 anos B plantaron no horto novo. Concretamente os nenos e nenas de 1ºB plantaron coliflores e leitugas de carballo.

Os rapaces e rapazas de 3º plantaron unha mitade do bancal leitugas e noutra mitade leitugas de carballo. No medio plantaron unha plantiña de alcachofa.

Os nenos e nenas de 5 anos B plantaron berenxenas, xudias e nun extremo do bancal sementaron plantiñas ornamentais variadas.

QUEDA INAUGURADO O HORTO NOVO DO PATIO!

.O 18 de marzo inaugurouse o patio novo coas plantacións do alumnado de 2º B, 3 anos e 4 anos B.

Os rapaces e rapazas de 2ºB  plantaron leitugas de carballo, tomateiras de variados tipos e ceboliño.

Os pequechos e pequechas de 3 anos plantaron leitugas e repolos.

Tamén se adicou un bamcal para plantar aromáticas: ruda, prexel liso, prexel rizado, romeu, tomillo, menta...e algunhas leituguiñas no medio.

Os nenos e nenas de 4 anos B plantaron pementillas, acelgas e cabaciños.

SEMENTANDO NO INVERNADEIRO

 O 18 de marzo os raparigos e raparigas de 4 anos A preparáronse para sementar no invernadeiro. 

Hai nenos/as que ocasionalmente piden axuda para poñer ben o calzado pero, nesta ocasión, tiñan tantas gañas de ir ó invernadeiro que ningún pideu axuda para por as botas, mesmo algúns ansiosos viñeron calzados xa da casa cun calzado que non importaba manchar.😂

Brandiña e algo húmida a terra  fixemos que as sementes se extenderan nela.

Sementamos uns minúsculos grans de cenorias.

Sementamos margaridas Reina que tivemos que desfacer previamente coas mans.

Desfixemos margaridas ventureiras e ciscámolas ben.

E tamén sementamos Sempre Vivas.

E agora regar un pouco e esperar que xermolen!

CHARLA SOBRE O ALBERGUE DE ARMENTEIRA

 O 16 de marzo alumnado de 6º B e logo 6º A de Primaria participaron nunha interesante charla na que técnicas do Concello de Meis informaron do servizo que ofrece o albergue ós camiñantes da variante espiritual do Camiño Portugués. Trátase dun albergue próximo ó Concello de Meaño ubicado aos pés do mosteiro de Armenteira, que ofrece descanso aos peregrinos que realizan a etapa do camiño Pontevedra-Armenteira e inserto na ruta da Pedra e da Auga que comprende o inicio da etapa Armenteira- Vilanova.

As técnicas do Concello de Meis que viñeron dar a charla,  ademais de expoñer correctamente a información, resolveron as cuestións que plantexou o alumnado e amosaron disposición para cando queiramos informarnos e guiarnos na paraxe na que se ubica o albergue,  e mesmo facer un tramo de camiño. 

Agradecemos ó Concello de Meis por atender a nosa inquedanza de saber para coñecer os recursos como é neste caso o albergue de Armenteira.

O Salnés comprende un enclave  de importancia monumental e medioambiental  pola que transcorren  camiños de peregrinaxe e rutas. Animamos ás familias do alumnado a que visiten e camiñen na contorna do Salnés para coñecer, descubrir que non é necesario ir lonxe para atopar  fermosas paisaxes ás que poñer en valor e preservar.

CHARLA SOBRE A RUTA SARMIENTO VINCULADA Á TEMÁTICA VOZ NATURA DOS CAMIÑOS A SANTIAGO

 O martes 9 e o mércores 10 de marzo viñeron do Concello de Meaño dar charlas a todas aulas que quixeron acerca da ruta Sarmiento que transcorre por Dena e tamén informar doutras rutas de interese.

Participaron o martes 3º de Primaria e logo 6ºB. O mércores tiveron a charla 6ºA, 4º e 2ºA de Primaria.

As técnicas do Concello que deron a charla ofreceron información moi interesante do traxecto da ruta polos Pasales a nivel etnográfico (as telleiras), paisaxístico e biolóxico (flora e fauna observables) e tamén referente a todas cuestións plantexadas polo alumnado. O alumnado quedou asombrado da importancia que ten dito traxecto. No pasado esa zona tiña telleiras nas que familiares e antepasados do alumnado traballaron. Medioambientalmente é unha zona moi  rica na que habitan animais curiosos e na que plantas e árbores reciben a frescura das augas do Complexo Intermareal.

Nas charlas tamén se deu información doutras rutas de interese no Concello e na contorna próxima. Meaño ten interesantes rutas: ruta monumental das capelas, ruta dos muiños, ruta do viño da Denominación de Orixe Rías Baixas e ruta do río Chanca. Informaron  un chisco doutras rutas da contorna: da Pedra e da Auga, do río San Martiño e da ruta do río Umia. 

As técnicas que deron as charlas amosaron disposición para informar e guiar ó alumnado na realización das rutas  no Concello e na observación guiada medioambiental.

 Paradóxicamente pensamos que o que hai noutros lugares é impresionante e fermoso, cando en realidade é que descoñecemos a riqueza das terras que pisamos.

Ánimamos a todas familias do alumnado  a realizar estas rutas posto que hai que coñecer para poñer en valor o que é patrimonio de todos meañeses.

COLLEITA NO INVERNADEIRO

 Os nenos e nenas de 4 anos A colleitaron do invernadeiro o 5 de marzo leitugas e acelgas para levar para casa.