jueves, 29 de abril de 2021
TEMPO DE AMORODOS
COIDANDO OS BANCAIS DO HORTO NOVO
miércoles, 21 de abril de 2021
MÁIS CULTIVOS NO HORTO NOVO!
viernes, 9 de abril de 2021
QUEDA INAUGURADO O HORTO NOVO DO PATIO!
.O 18 de marzo inaugurouse o patio novo coas plantacións do alumnado de 2º B, 3 anos e 4 anos B.
Os rapaces e rapazas de 2ºB plantaron leitugas de carballo, tomateiras de variados tipos e ceboliño.
SEMENTANDO NO INVERNADEIRO
O 18 de marzo os raparigos e raparigas de 4 anos A preparáronse para sementar no invernadeiro.
Hai nenos/as que ocasionalmente piden axuda para poñer ben o calzado pero, nesta ocasión, tiñan tantas gañas de ir ó invernadeiro que ningún pideu axuda para por as botas, mesmo algúns ansiosos viñeron calzados xa da casa cun calzado que non importaba manchar.😂
Brandiña e algo húmida a terra fixemos que as sementes se extenderan nela.
Sementamos uns minúsculos grans de cenorias.
jueves, 8 de abril de 2021
CHARLA SOBRE O ALBERGUE DE ARMENTEIRA
O 16 de marzo alumnado de 6º B e logo 6º A de Primaria participaron nunha interesante charla na que técnicas do Concello de Meis informaron do servizo que ofrece o albergue ós camiñantes da variante espiritual do Camiño Portugués. Trátase dun albergue próximo ó Concello de Meaño ubicado aos pés do mosteiro de Armenteira, que ofrece descanso aos peregrinos que realizan a etapa do camiño Pontevedra-Armenteira e inserto na ruta da Pedra e da Auga que comprende o inicio da etapa Armenteira- Vilanova.
CHARLA SOBRE A RUTA SARMIENTO VINCULADA Á TEMÁTICA VOZ NATURA DOS CAMIÑOS A SANTIAGO
O martes 9 e o mércores 10 de marzo viñeron do Concello de Meaño dar charlas a todas aulas que quixeron acerca da ruta Sarmiento que transcorre por Dena e tamén informar doutras rutas de interese.
Participaron o martes 3º de Primaria e logo 6ºB. O mércores tiveron a charla 6ºA, 4º e 2ºA de Primaria.
As técnicas do Concello que deron a charla ofreceron información moi interesante do traxecto da ruta polos Pasales a nivel etnográfico (as telleiras), paisaxístico e biolóxico (flora e fauna observables) e tamén referente a todas cuestións plantexadas polo alumnado. O alumnado quedou asombrado da importancia que ten dito traxecto. No pasado esa zona tiña telleiras nas que familiares e antepasados do alumnado traballaron. Medioambientalmente é unha zona moi rica na que habitan animais curiosos e na que plantas e árbores reciben a frescura das augas do Complexo Intermareal.
COLLEITA NO INVERNADEIRO
Os nenos e nenas de 4 anos A colleitaron do invernadeiro o 5 de marzo leitugas e acelgas para levar para casa.