Coa chegada da primavera decidimos que sería bo para os nenos e nenasde 1º e 2º curso do Ceip Coirón coñecer todo o dano que fai a basura que tiramos indisciminadamente ao mar e ás praias.
Fomos a Gradín, unha das fermosas praias de Illa de Arousa e xunto co alumnado do IES da Illa e a Concelleira de Medioambiente aprendimos moito sobre as prantas e a vexetación desta contorna, explicáronnos que existen prantas invasoras que estragan a nosa biodiversidade. Logo fomos en parellas armados cun saco e luvas a recoller todo o que atopamos pola praia.
Para os nenos e nenas foi coma un xogo, cada cousa que atopaban era coma "un tesouro" un tesouro que escondía detrás unha historia, por exemplo a bota abandonada do xigante, a botella de champán de dous anamorados... Pero sobre todo o que lles quedou máis claro é que é resposabilidada de todos e todas coidar da nosa natureza e respectala para que ela nos recompense coa súa beleza
Agradecemos dende aquí todas as ensinanzas e esta gran oportunidade que nos brindaron Charo (mestra do IES A Illa e coordinadora alí de Voz Natura) e Gabi (Concelleira de Mediambiente de A Illa), así como os mozos e mozas de A Illa. De seguro que esta experiencia se repetirá máis dunha vez
No hay comentarios:
Publicar un comentario