O martes día 15 de marzo soltáronse dez peixiños no estanque grande. Os nenos e nenas de 3 anos ollaron a solta dos peixes de cor laranxa e seguían coa mirada atenta o nadar destas pequenas carpas. A auga estaba tan clariña que podían ver ós novos inquilinos nadar en grupo coma un cardume por todos lados do estanque.
Pola tarde en vez de dez había nove peixiños. Ó día seguinte, o mércores 16, pola mañán xa non había ningún peixiño no estanque grande. Descoñecemos que pasou pero intuimos que algunha ave os puido merendar. Sen embargo as carpas que conviven coa tartaruga no estanque pequeno non desapareceron.
Non se preocupen! Haberá máis peixiños pero dotaremos ó estanque grande de plantas acuíferas e habitáculos para que se agochen do apetito das aves.
No hay comentarios:
Publicar un comentario