OBRADOIRO DE XABÓN CON ACEITE RECICLADO

O 13 de marzo o alumnado de 6ºA e 6ºB fixo con Luz de Horta Agrelo un obradoiro de xabón con aceite reciclado.

OBRADOIRO DE SAQUIÑOS AROMÁTICOS

O 13 de marzo os pequerrechos e pequerrechas de 4º de Educación Infantil fixeron un obradoiro de saquiños aromáticos con Luz de Horta Agrelo. Experimentaron con olores de prantas e follas: pétalos de rosa, folla seca de uva tinta, flor de ciano, herba Luísa, Romeu e menta.

A ECOPATRULLA

Os rapaces e rapazas de 1º e 2º de Primaria, concienciados pola educación ambiental, conformaron unha Ecopatrulla na que en pequenos grupos velan polo mantemento dun patio sen lixo.

PLANTAMOS NO HORTO E NO INVERNADOIRO

Os nenos e nenas de 6º de Educación Infantil plantaron amorodos, tirabeques e leitugas.

PREMIOS DE CESTERÍA

O  día 1 de marzo entregáronse os premios do concurso-exposición de cestería.

A participación non foi moita pero a variedade dos cestos e recipientes participantes foi ben diversa, dende o tradicional vimbio ata o trenzado con papel.

 Noraboa a todas as familias do alumnado participante! 

Os gañadores/as resultaron ser:

INFANTIL

1º Premio: Hugo da aula de 5 anos

2º Premio: Mateo García da aula de 4 anos

3º Premio: Uxía Caneda da aula de 3 anos

1º E 2º DE PRIMARIA

1º Premio: Luís Manuel de 2º curso

2º Premio: Juán Diego de 1º curso

3º Premio: Manuel de 1º curso

3º E 4º DE PRIMARIA

1º Premio: Carlos de 3ºB

2º Premio: Adriana de 3ºA 

3º Premio: Yaiza de 4ºA

5º E 6º DE PRIMARIA

1º Premio: Álex de 5ºA

2º Premio: Candela de 5ºB

3º Premio: Alba Dozo de 6ºB

1º E 2º DE PRIMARIA FIXERON UN OBRADOIRO DE INCUBACIÓN DE PARRULOS

A xenerosa  colaboración da familia Silva Soutullo fixo posible que o alumnado de 1º e 2º de Primaria participase activamente nun obradoiro no que incubaron ovos de parrulo. Os rapaces e rapazas recibiron o 25 de xaneiro a incubadora cos ovos e tamén unhas indicacións básicas do que tiñan  que facer como responsables do obradoiro. A incubadora era básica polo que o alumnado ocupouse de manter a humidade, calor e do volteo dos ovos. Aos dez días puideron ver a través dun ovoscopio a formación das aves dentro dos ovos.

 A eclosión do primeiro ovo foi o 21 de febreiro e outro ovo o luns 25. Os demais ovos non eclosionaron e por influenza da lúa chea perdéronse. Por sorte, deses dous ovos, naceron dous parrulos que encheron de ledicia e ambiente avícola a aula de 2º de Primaria.

 Despois duns días de coidados nunha vitrina e mesmo de porlles nome ós parrulos todos tiveron oportunidade de ver o primeiro baño das aves no estanque do colexio. Todo un espectáculo!

Grazas unha vez máis á familia Silva Soutullo e tamén á familia Cousido Padín por colaborar neste obradoiro e facer posible que aprendizaxes teóricas sobre reproducción de aves sexan prácticas e vivenciadas para o alumnado.

CHARLA REVITALIZA

A mediados de xaneiro dous grupos formados por alumnado de distinta idade recibiron una charla moi práctica e divertida sobre recollida selectiva e compostaxe por parte de Manuel Domínguez de Revitaliza. Tivemos a sorte de ver a montaxe dun composteiro novo na zona do viveiro de árbores. Manuel deixounos información a ter en conta para depositar axeitadamente o lixo nos distintos contenedores, pero tamén para facer ben o compost.