Non está ben eliminar os caracois, pero podemos facer que rexeiten comer leitugas, verduras e coles.
A cinsa ou borralla das lareiras ou cociñas de leña son unha boa opción. Bótase na terra e así os caracois teñen mal camiñar para chegar ás plantas. Esta opción non é efectiva cando chove porque ó mollarse a cinsa os caracois desplázanse sobre ela.
Lembramos unha pócima facilitada por Luz cando no horto do cole e no invernadeiro as follas estaban comestas polos caracois.
-Facemos unha infusión botando nunha pota a auga e tamén o fento. Unha vez que ferva, retiramos o fento e deixamos a auga enfriar.
Aplicaremos a pócima na parte aérea da planta cun pulverixador, procurando botar debaixo das follas, que en moitas ocasións agóchanse no envés os caracoliños.Podemos botar os días que precisemos.
Podemos facer que os caracois busquen un refuxio como pode ser un ladrillo ou unha tella boca abaixo. Nese refuxio podemos atrapalos con facilidade para enredar con eles, e mesmo botalos nun composteiro para que colaboren descompoñendo materia.
No hay comentarios:
Publicar un comentario