O labor de sementar non é un traballo calquera, require moito mimo e coidado coma se fósemos prepararlle o durmir no berce a un bebé. No caixón de madeira que fai de berce o colchón de terra é unha mistura peneirada de sustrato con composta a partes iguais. Nese colchón cada semente deposítase en ocos separados. Así sementamos: garbanzos, fabas-xudías, altramuces e xirasois. Tamén sementamos rúcula. No caso da rúcula interesa que a semente vaia xunta para formar cepellón e seméntase a eito en testos pequenos. O último é tapar cunha capiña de terra, darlle un pouco de auga e que descansen no invernadeiro. Identificamos o sementado en cada caixón/testo: data, aula, semente e número de sementes. Xa iremos por alí para ver se espertan!
Aquí temos a aula de tres anos:
No hay comentarios:
Publicar un comentario